بسم الله الرحمن الرحيم
السلام عليكم ورحمة الله وبركاته
اخواني الأعضاء: اليكم هذه القصة الواقعية والتي حصلت لي انا شخصيا
"خلوني اقولها لكم بالعمية عشان ما اطول في الكتباة"

هذي ياحلوين يوم مر علي الله لا يوريه لواحد منكم<<<<<<< اللي يسمعنييقول ميتي لي ميت. ماعلينا. المهم هذا والله كان يوم نحيس. ليه؟؟؟؟؟؟
الجواب كالتالي:
صحيت الصباح وأنا افكر كيف أستأذن من مديري عشان أروح أودي سيارتي للوكالة اسويله صيانة<<< يبي يعلمكم ان عنده سيارة جديدة ، برضه ماعلينا ، وانا ماشي في الطريق ورايح للعمل وانا واقف عند الإشارة الا وهذا راعي الدينا"سيارة كبيرة" حكني حكة على كفكم. الظاهر انه يبغى يحتك. المهم نزلت وانا اقول لاحول ولاقوة الا بالله على هذا الصباح اللي شكله من بدايته زي وجه واحد من الشباب"أحتفظ بإسمه".......
المهم مالكم في الطويلة نزلت واتصلنا على المرور وجاء وخطط الحادث وحط الخطأ على الراجل 100%. قلنا خير بداية ليم طيب بعد الحادث. مشيت ورحت العمل واستأذنت من المدير ساعة عشان اروح المرور وانا من اول افكر كيف استأذن منه ساعة اروح للوكالة. ماعلينا.......
رحنا للمرور وخذيت ورقة اصلاح وتوجهت على الوكالة عشان يسوون السيارة وبالمرة يسون الصيانة الدورية حقتها.
يوم وصلت الوكالة عند اخونا السووداني قال والله مايمدديها اسويلك الصدمة والصيانة اليوم لانه زحمة لكن روح وتعال بكرة. طبعا انا من حرصي قلت طيب خل السيارة عندك ومتى ماخلصت اجي اخذها قال لا روح وجيبها بكرة. احاول في الرجال يمين يسار لكن والله مهو بحولي. قلت يالله مو مشكلة.
شغلت سيارتي ورجعت للعمل وبعد ماخلص الدوام رحت البيت وجلست الين العشاء وتعشيت ونمت عشان اروح بدري للوكالة.
يو صحيت اصلي الفجر الا والله اشوف نور الجوال ينور في الغرفة<<< طبعا انا حاطه على الصامت ، قلت يالله صباح خير ، واطالع في الجوال الا والله هذا جارنا،الو الو حيا الله ابو فلان ، الا والرجال طاير فيني الحق سيارتك تحت بسرعة. يالله علم خير يارب والله لبست اي شيئ "خلوها على ربكم من لبس"وانزل الا والسيارة مكسورة القزاز ومسروق منها الاستبنة او الكفر الاحتياطي لي مايفهم معنى إستبنة. لاحول ولا قوة الا بالله.
تدرون ويش اول ما تذكرت؟؟؟؟؟؟؟؟؟؟؟؟؟
تذكرت السوداني حق الوكالة لو اه طاعني وخلا السيارة عندهم لكن يالله المقدر مقدر.
اتصلت على الشرطة وجووسويت البلاغ واخذت الورقة ورجعت افطرت ورحت للوكالة وقلت للسوداني السالفة جلس يضحك علي الله ياخذه.

مالكم بطول السالفة<<<<<<< لا ياشيخ منت طولت وخلصت
الحاصل اني سويت السيارة ولله الحمد لكن من جد كان انحس يوم مرعلي.

دمت بود جميعا.
والسلام عليكم ورحمة اللله وبركاته.

هلا وغلا اخي القبطان

مره اضحك ومره اتأثر عايش الجو معاك

ولاني تذكرت ايام نحس مرة علي ماهي بعيده عن يومك

وأنقهرت من السوداني لكن كل شيء مكتوب ودام جت في الحديد ولا في الاستبنه ا لامر يهون دامك سالم يا الغالي

والله يجعل أيام كلها سعاده وسرور

هلا بك زود ياعلي

ويارب تصير انت ايامك كلها سعادة وسرور يارب.

واشكر مرورك الجميل على الموضوع.

شـكــ وبارك الله فيك ـــرا لك ... لك مني أجمل تحية .